Silicon Mountains Expo 2026

ՏՀՏ գործատուների միությունը՝ ՀՀ բարձր տեխնոլոգիական արդյունաբերության նախարարության աջակցությամբ, կազմակերպում է Silicon Mountains 2026 ցուցահանդեսը, որը կանցկացվի նոյեմբերի 3-4-ին՝ Dvin Music Hall-ում (Պարոնյան 40)։

Այս տարի Silicon Mountains-ը հանդես կգա նոր՝ ընդլայնված ձևաչափով․ առաջին անգամ գագաթնաժողովին զուգահեռ կիրականացվի նաև լայնածավալ տեխնոլոգիական ցուցահանդես՝ մեկ հարթակում համախմբելով հայկական և միջազգային տեխնոլոգիական ընկերություններին, ստարտափներին, գիտահետազոտական կենտրոններին, ներդրողներին և ոլորտի առաջատար մասնագետներին։

Ցուցահանդեսի շրջանակում կանցկացվեն թեմատիկ գործնական աշխատարանների գոտի, փորձագիտական քննարկումներ և B2B հանդիպումներ՝ նոր համագործակցությունների, գործարար կապերի և ներդրումային հնարավորությունների ձևավորման համար։

Silicon Mountains 2026-ը կներկայացնի Հայաստանի տեխնոլոգիական և նորարարական ներուժը՝ ամրապնդելով Երևանի դիրքը որպես տարածաշրջանային տեխնոլոգիական, ինժեներական և բիզնես համագործակցության կենտրոն։