Silicon Mountains Expo & Summit 2026

ՏՀՏ գործատուների միությունը՝ ՀՀ բարձր տեխնոլոգիական արդյունաբերության և արհեստական բանականության նախարարության աջակցությամբ, կազմակերպում է Silicon Mountains Summit & Expo 2026, որը կանցկացվի նոյեմբերի 3-4-ին՝ Dvin Music Hall-ում (Պարոնյան 40)։

Silicon Mountains 2026-ը, «Invest in Innovation» խորագրով, այս տարի կներկայանա նոր՝ ընդլայնված ձևաչափով՝ մեկ հարթակում համադրելով բարձր մակարդակի գագաթնաժողովն ու առաջին անգամ անցկացվող տեխնոլոգիական ցուցահանդեսը։

Միջոցառումը կհամախմբի միջազգային ճանաչում ունեցող խոսնակների, տեխնոլոգիական ընկերությունների ղեկավարների, ստարտափների, ներդրողների, գիտնականների և ոլորտի առաջատար մասնագետների՝ քննարկելու տեխնոլոգիական ներդրումները, կիսահաղորդիչները, ինժեներական լուծումները, արհեստական բանականությունը և գլոբալ տեխնոլոգիական համագործակցությունը։

Silicon Mountains 2026-ը կներկայացնի մեր երկրի տեխնոլոգիական և նորարարական ներուժը՝ ամրապնդելով Հայաստանի դիրքը որպես տարածաշրջանային տեխնոլոգիական, ինժեներական և բիզնես համագործակցության կենտրոն։