Silicon Mountains Summit 2026

ՏՀՏ գործատուների միությունը՝ ՀՀ բարձր տեխնոլոգիական արդյունաբերության նախարարության աջակցությամբ, կազմակերպում է Silicon Mountains 2026 գագաթնաժողովը, որը կանցկացվի նոյեմբերի 3-ին՝ Dvin Music Hall-ում և One&Only Theatre-ում (Պարոնյան 40)։

Silicon Mountains գագաթնաժողովը՝ «Invest in Innovation» խորագրով, կենտրոնանալու է տեխնոլոգիական ներդրումների, կիսահաղորդիչների զարգացման, ինժեներական լուծումների, արհեստական բանականության և գլոբալ տեխնոլոգիական համագործակցության վրա։

Մինչ օրս գագաթնաժողովը հյուրընկալել է 100+ միջազգային մակարդակի խոսնակների և 10,000+ մասնակիցների՝ ստեղծելով հարթակ արհեստական բանականության, թվային փոխակերպման, կիսահաղորդիչների, ներդրումների և նորարարության ապագայի շուրջ քննարկումների ու համագործակցության համար։

Գագաթնաժողովը կհամախմբի միջազգային ճանաչում ունեցող փորձագետների, տեխնոլոգիական ընկերությունների ղեկավարների, ներդրողների և գիտնականների՝ ձևավորելով նոր գաղափարների, գիտելիքի և գործարար համագործակցության միջավայր։